اللقاء الحصري الأدبي للشاعر الكبير لبنان الرجباني الدوسري

[الإدارة]

السلام عليكم ورحمه الله وبركاته

الحمد لله رب العالمين ، والصلاة والسلام على خاتم الأنبياء والمرسلين ، المبعوث رحمة للعالمين، محمد وعلى آله وصحبه أجمعين . أما بعد :

يسر ويتشرف موقع آل زايد الرسمي
أن يقدم لكم لقاء مميز وحصري لرجل مثل قبيلة الدواسر بمسابقة شاعر المليون في نسختها الأولى


الشاعر القدير / لبنان الدوسري





فنترككم مع اللقاء المختصر الصوتي الذي أجري في بريطانيا - لندن في يوم السبت تاريخ 1430/8/10

أجرى اللقاء الإستاذ القدير مستشار الموقع عبيد بن محمد بن شماء (( المهلب ))

















نود تعريف بنفسك بشكل مختصر للأخوه المشاهدين ومجال دراستك ببرطانيا؟

الاسم / لبنان بن عبد الله ال منيع الرجبان الدوسري .

الحالة الاجتماعية / متزوج .

العمل الحالي / مبتعث لمواصلة دراستي العليا في بريطانيا .


نرجوا ان تتفضل بإلقاء نبذه عن مسيرتكم الشعريه بشاعر المليون ؟
المسيره الشعريه مسيره اي شاعر يكتب في المناسبه ولا يكتب حينما لايكون هناك مناسبه
وواصلت المسيرة وانقطعت في فترات معينه ,ولكن المسيره ان شاء الله مستمرة وقد يشوبها بعض الفتور ولكن نعود لنكون تحت طلب الجمهور ونسعى بالتواصل مع الرجال الطيبين شرواكم.

س/ شاركت بمسابقة شاعر المليون وكان لك حضور لافت ومشرف للقبيلة فكيف ترى هذه التجربه بالنسبة لك؟
ولله كانت تجربه مفيده لي بشكل عام وكانت مطلب علي وشاركت والحمدلله رب العالمين وتوفقت وهذا يكفي انه يطلع يشرف قبيلته ووطني .



شاعرنا لبنان وبجانبه عبيد بن شماء (المهلب)

س/نحب ان نعرف تاثر الشاعر لبنان بمشواره الشعري ببعض الشعراء سواء معاصرين او من السابقين فمنهم الشعراء الذين كان لهم تاثيراً
كل الشعار نقدرهم ونتحترمهم ولكن يختلفون الشعراء من واحد إلى آخر فيه شاعر يجيب كم قصيده ماتقى الجميل فيها الا قليل بعكس منهم يبدعون في قصائدهم.


س/ماهي الامسيات الامسيات الي حضرتها؟
حضرت عدة امسيات في الشرفيه وفي الرياض والخرج.




نائب رئيس مجلس الإدارة الاستاذ / نادر الودعاني وضيفنا الكريم لبنان بن عبدالله




مارايك بإقصتار الاضواء الاعلاميه على شعار قبيلة الدواسر علما لهم عطاء طيب ؟
انا اشوف ماتحمل الاعلام هذه المشكله اذا كان فيه مشكله
لكن ممكن يكون السبب مناصفه بين الشاعر وبين الاعلام.


لو تكرمت يابو عبد الله نريد قصيده حصريه لم يسبق لك طرحها اعلامياً

هذي قصيدة والقصائد غنادير = قصيده كل القصايد بعدها
قامت على ذكر الرجال المشاهير=تنثر ذوايبها وتلعب بيدها
معها رساله والرساله تقارير= عهده وخفاق الحنايا جردها
سحابتن بين السحاب المهامير=تنثر مطرها يوم يرزم رعدها
قصه فخر فيها تطول المشاوير= ذكر الملك عبدالله احلى عقدها
من ذكر ابو متعب تفوح النواوير=يطغي شذاها والهبوب تحشدها
نسل الامام الي يقود الطوابير=في ساعتن بعض العرب ماحمدها
موحد الدولة على حصان وبعير= مرسي دعايمها وراكز عمدها
لو فيه ذاك الوقت طياره تطير=في ذمتي مهيب دوله وحدها
انها دول واجد تحت حكمها تصير= لانه ليا شاف الطويلة صعدها
صليب راس ونصف راسه سعاطير=والنصف الاخر حكمه ؟؟؟؟؟
واليوم حكم مصخر الصعب تصخير= الي عطاها لين طير رمدها
الي هتف باسمه جميع الجماهير=الي بوسط الشعب نفسه وجدها
استودع الطيبه بعيد المطامير= ملحق عظامه للمعالي جهدها
ينطل حطب ودلال جوده مناحير= من فوق نيران تواقد وقدها
والناس في بيته ورود ومصادير=ومامدتة ياما كبود بردها
الدار بقدومه تسوق التباشير=ذا الليل ليل من ليالي سعدها
واليوم جاكم وجاء معه وافر الخير=واستقبله ناس وفت في وعدها
ثبات عسكر واصطفاقت بساطير=وازكى تحيه للملك مستندها
واستقبله داقم خشوم المخاسير= سلطان لاهاب الغبيرا ولدها
ولي عهده مسنده بالمعاسير=فرقاه جعله مايطول امدها
واستقبله عقبه خلف سالم الزير= النائب الثاني ذراها سندها
نايف ونايف غير عن كن به امير= لولا الزعامه بالعزيمة هجدها
واستقلبه عقبه جموع طوابير=حبه تغذى من خلايا جسدها
والقهوجيه بالدلال المباهير=صالتن من شافها ماجحدها
وهو الصقيل الي يقص البواتير=لا كبرت القاله وكثرت عقدها
وهو الملك وعموم شعبه مناعير=ناس قدايمها بذيرة جددها
يامرحبا به بالقلوف المزابير=تنثر على روس الروابي بردها
حنا نحبه لو تبور الدنانير=وقلوبنا مادام طيب رغدها
وإٍنا الدهاه الصاملين المغاوير= لابان من سود الليالي نكدها
تحت الاوامر والنوايا مغاتير= اعذب من امطار المخايل شهدها
الدار هذي بين كل الدول غير=فيها الرساله صحصحت من مهدها
وفيها الرسول الي دروبه مناوير=عليه صلو تبغى الاجر زدها
طول الدهر وعداد ريش العصافير=واذا انتهت باغي اللخير عدها

؟ ماهي علاقتك بالمنتديات الشعريه ؟ وهل نيه انشاء موقع خاص بك
علاقتي بالمنتديات الادبية ماهي حميمه جدا لسسبب انشغالي وعدم مواصلتي واما انشاء الموقع ان شاء الله قريباً


ابو عبدالله مثل ما أنت شايف الجو الممطر اكيد كل شخص له امنيات؟ امنيتك يابوعبدالله بهذه اللحظة ؟
والله صحيح دائما الانسان له ذكريات وامنيات كثيرة الله يحققها انا والله اتمنى ان هذا المطر على السعودية الله يغيثهم ولاحسن من ديارنا لاجاها المطر والحياء .


نريد يابوعبدالله قصيده بمناسبة هذا الجو الممطر؟

فيه قصيده اقول فيها:

يالله بنواُ للرعد فيه رجاف=غب المطر كل ابلجن فيه سالف
وحالو له البدوان من كل الاطراف=وبنوا الخيام ونطلوا بالمعالف
متخالف نبته على كل الاصناف= القحيوان مع الخزامى تحالف
وتجمعوا ربعن ميامين واشراف = راع الوفا موجود والنذل ذالف
لا كلمه عوجا ولا شي ينعاف=ذرابه ماغير مزح وسوالف
مستانسين كلهم مابه خلاف=ولا به وراعين ولا به مكالف
سجه مشاعر في هواء كل مشعاف=وخلفاتهم في الروض الادنى تخالف
والربع جاوك للعشاء حسب الاعراف= والصبح عند فلان وفلان حالف
نبطي وربعي مايردون الانكاف=ونودع البغضى والانفس توالف
هذه الاناسه دام العمر ماطاف = العمر وقف وتالي العمر تالف

ابو عبدالله نريد تتحفنا بقصيده ؟
ولله الجو الحين يساعد على قصيده غزليه وان شاء الله ترضي ذائقتكم

الخاطر اللي غث خاطر خلـه=مايدري أن فرقا الحبايب توجع
راح وتفرقنـا وأنـا شفق"لـه=والحظ معطينا قفـا ويلوجـع
قابلت شعري والحطب والدلـه=ولاحيت ورقا" بالسما وتروجع
والخاطر اللي مابرد من غلـه=أظن حقه بأي وقـت يسوجـع
لاشفت هاااايم في حياتك قلـه=أنا أشهد أن فرقا الحبايب توجع

ابو عبدالله انت الان في بريطانيا واكيد شفت الشباب السعوديين واكيد شي هذا اسعدك كلمة توجهها للطلبة المبتعثين السعوديين ؟
ج - والله يابو محمد البعثات هذه بفضل الله ثم بفضل مولاي خادم الحرمين الشريفين وسمو نائبه حفظهم الله وهم حريصون جدا على بناء الشباب السعودي لانهم هم ثمرة العطاء لهذا البلد المعطى و لااخفيك ان الانسان لاشاف الشاب السعودي وهو يتسلح بالعلم لنفع بلده ودينة واقول الله يفقهم ويرجعون الى ارض الوطن سالمين وغانمين واهم شي المحافظة على امور الدين لان فيها الخير وهي الثمرة وعكس الصورة الصحيحة لشاب السعودي والمسلم هذه نصيحتي لنفسي وللجميع الاخوان الذين ينتمون الى اللمملكة السعودية .


أنشات قناه بأسم قناه قبيله الدواسر الرسمية على شبكة الانترنت وهي قناه تهتم بنشر كل مايتعلق بشؤؤن القبيله ومناسباتها ماريك؟
اقول ماملك القول لهذه القناه الا بيض الله وجه القائمين عليها ولا هو مستغرب عليهم وموفقين وإلى الامام لما يخدم موروث القبيله والدوله بشكل عام
ولدي طلب واتمنى تكون عامه للقبائل وليست للدواسر خاصه ونتتمى وتواجدهم معنا ونتشرف بتواجد القبائل بيننا ...


ابو عبدالله في ختام لقاءنا نريد طرح بعض القصائد لكي يستفيد بها جمهورك العزيز ويشترف بها موقع آل زايد؟

ابشرا واسمحوا لي على القصور وهذي القصائد التي خطرت في بالي.

سلام يام العريقـة هـل الطيـب=وأهل الكرم وأهل اليديـن النقيـة
وأهل السيوف الحانيات المعاطيـب=اللي تورد لا أحتمـت كـل هيّـه
وسلام يالوافي زبـون المواجيـب=عبـدالله عبيـان وافـي الحميـه
حر ٌ شهر من فوق روس المراقيب=وصّي على الجزلة وحفظ الوصيـه
مبروك يالنادر عطيب المضاريـب=مـن دوسريـاً عزوتـه زايديـه
وطبع الدواسر والليالـي تجاريـب=عزومهم عنـد المواقـف قويـه
والناس دايم تخطي أحيان وتصيـب=والطيب يلقـى عنـد رب البريـه
واللي يهوم الطيب لايقرب العيـب=العيـب ميـزة للوجيـه الرديـه
والاعذار قالوا لا تودي ولاتجيـب=ويقطـع خويـاً مايقـدر خـويـه
وصلوا عدد ماتبدي الشمس وتغيب=على الرسول عداد وبـل الرفيـه

الحب واقـع مـر عنـد المحبيـن=لامن طرى طاريه جاهـم بلاهـم
يسوقهـم للبيـن سـوق البعاريـن=وبكـل حفـره للمأسـي رمـاهـم
والحب حرب وبه ضحايا وناجيـن=واللي نجو جمر المشاعر صلاهـم
لو شفتهـم ساليـن ماهـم بساليـن=انشد جميـع ربوعهـم وقصراهـم
يهذون تالي الليل مثـل المجانيـن=وأليا اصبحو خلو عناهـم وراهـم
وانا صبرت وقلتنـا طيـبَ ليـن=بـرى معاليـق الحشـا مابراهـم
اخفي طعوني والمخاليـق داريـن=جاني عناً ماهـو بيشبـه عناهـم
من جادلً لا سلهمت فيـك بالعيـن=من حسنهـا ماعـاد تقـدر تفاهـم
تنظر بعينك فوق ويسـار ويميـن=تشـوف قدامـك حقيقـه وواهـم
ماقول حوريه ولكـن بهـا زيـن=لو وزعـوه بخلـق ربـي كفاهـم
خليتني اقضي مابقى خاطري شيـن=واصرف بيوتً مثل صرف الدراهم
يدري بحالي من برى حاله البيـن=واهل القلوب الغافلـه فـي عماهـم

حبيبي ترى بعدك على القلب له تأثيـر=وانـا خابـرٍ لاهــوب ودك ولا ودي
وانا حالفٍ لاجيك واللي يصير يصيـر=تفانى عزاي وبيّح الوقـت لـي سـدّي
جفيت الصبر ولا الصبر عاقبته الخيـر=وعفت التحدي ولا انـا كـان متحـدي
حبيبي ليا شفت المداهيل وقت عصيـر=تدافق هميل دموع عينـي علـى خـدي
تهامل دموعي من عيوني ماهيب تحيـر=واقوي عزومي واشعب خطاي واعـدي
واسيّر على بعض الجماعة بلا تبريـر=واسولف وانا حالي من البعـد متـردي
أنا اكبر أسيرٍ ينتظر لحظـة التحريـر=وسائت ظروفي والمقادير جت ضـدي
وانا اكبر مقصر في حياته بلا تقصيـر=عقب قصرت عن لحظة مصافحك يدي
أبي فزعتك يازين عجلـة بـلا تأخيـر=تراني من أصناف العنا واصـلٍ حـدي
أنا أشتاق شوفك مثل وايل لاخوه الزير=وانا يوم أشوفك يااتلع الجيد من قدي!

مابين الريسبشن والكوفي شوب والنادل=طلع هاجس مرودوم ما اقوى على ردمه
وردد فريـق الخيـر والشـر متعـادل=مباراة مـن كثـر الجماهيـر محتدمـة
ولابه تكافـئ والحكـم ماهـو بعـادل=جميـع الروابـط والمواثيـق منعدمـة
وشفت المصالح بين الأصحاب تتبـادل=مثل مايخدمـك صاحبـك لازم تخدمـه
وشفت الذي يطـرح براهيـن ويجـادل=يعاقب وتلقـى عالمـه فيـه منصدمـه
لفا للبلا كشـاف والخيـر لـه سـادل=ومباني بدون أساس مضبـوط منهدمـة
ولا يالحمام الطايـر الساجـع الهـادل=تذكر فوادي هم ساطـي رغـم قدمـه
ذكرت الزمان اللي جمعني مع الجـادل=جميع العـذارا بالحـلا مامشـن قدمـه
أحبـه واضيـع تالـي اوقاتنـا مـا دل=واسمع للعواذل واخطت يدينـه الودمـة

الخوه اللي ماتشجـع علـى الطيـب=أخير منهـا يـوم اوجـه بروحـي
ابا ابتعد عن بعض الاشخاص واغيب=لعلهـا بالصـدر تبـرى جـروحـي
اللي ليامن جـاك شفـت التعاجيـب=صليب حكي وبالمواقـف سموحـي
انا مظالـي فـي حياتـي تجاريـب=خلّـت غبوقـي مايباعـد صبوحـي
لكـن تـرى لاغثربـن المشاريـب=كلً على كيفه وانا ابخـص بروحـي
الهـم ظيفـي والحنايـا معـازيـب=لكـن بيبطـي مايوقـف طمـوحـي
انـا طموحـي عاليـات المراقيـب=وان قالـه الله ماتـردى شبـوحـي
اهـم حاجـه ماتضيـع المواجيـب=وكرامتـك لـو كـل شـيً يروحـي
وان جارت حمول الظهور المحاديـب=الحـر يشلـع والحمامـه تنـوحـي

صور رائعه لضيفنا الكريم وشاعرنا الكبير في هذه الاجواء الجميلة











شاعرنا العزيز ومستشار الموقع المهلب !!



شاعرنا العزيز ونائب رئيس مجلس الإدارة نادر بن فهاد

كلمه اخرى توجهها لموقع آل زايد واعضاءه الكرام حيث هذا اللقاء برعايه موقع آل زايد الرسمي
امسيهم بالخير ونسأل الله التوفيق لهم والى الامام ومن نجاح الى نجاح بإذن الله


قام بتحرير وإعداد اللقاء / عبيد بن محمد بن شماء (( المهلب )) .
المستشار التاريخي للموقع

وفي نهاية هذا اللقاء والمييز نتقدم بجزيل الشكر وخالص الامتنان لضيفنا الكريم على رحابة صدره

[أبوراكان الغييثي]

كل الشكر والعرفان لإدارتنا الموقرة على هذا اللقاء المشرف الذي أعتبره سبق أعلامي للمنتدى مع الشاعرالكبير/لبنان الرجباني الدوسري لقاء يدخل السرور والفخر في النفس هذا وأن دل أنما يدل على حسن الإدارة وأهتمامهم بكل مايهم قبيلة الدواسروأبناؤها والشكر موصول للأخ الفاضل/ عبيد بن شماء الودعاني مستشار منتدانا الغالي وللأخ الفاضل /نادر بن فهاد الودعاني نائب رئيس الادارة
ولشاعر الكبير/لبنان الرجباني الدوسري لحضوره وتعاونه الرائع مع أبناء عمه ولكل من ساهم في أظهار هذا اللقاء.

تقبلوا جزيل الشكر والتقدير والإحترام

[خالد محمد العبيد]

اشكر الاداره الموقره على هذا اللقاء المشرف للدواسر
بيض الله وجيهكم والشكر موضول للشاعر لبنان الدوسري لحضوره وتعاونه الرائع
وبصراحه جو رايق واجواء جدا رائعه ولقاء فعلا مميز وفريد من نوعه

[ثامر بن فهد الفوزان]

عز الله ماقصرت الأدارة على الجهود الطيبه وشكر للمهلب على القاء وايضا شكرا لولد العم والشاعر لبنان الرجبان وبيض الله وجيهكم


الى الأمام يا إدارتنا

[ابن حنيش الودعاني]

الله الله الله
اشكر لاستاذ الغالي نادر بن فهاد بن نادر
والاستاذ عبيد بن محمد بن شما
والاداره على اللقاء الادبي الرائع مع الاستاذ والشاعر لبنان الرجباني
وتقبلوا مروري

[سالم بن شتوي الحراجين]

يعطيكم العافيه الاداره الكريمه حيث قمتم بمقابله عجز عنها الاخرين

ويعطيك العافيه الاخ ملهب


تحياااتي

[رشيد آل رشيد]

الإدارة الكريمة نشكركم على هذا القاء المميز مع الشاعر/ لبنان الدوسري الله يعطيه العافية ، والشكر موصول للأستاذين عبيد بن شماء الودعاني ، ونادر بن فهاد الودعاني وعساكم على القوه .
تحياتي لكم
رشيد بن رويشد

[أحبكــ بصمت]

اشكر الاداره الغاليه على هذا اللقاء الرااقي والطيب وهذا دليل توسع كبير في هذا المنتدى للتغطيات الخارجيه مع ابناء القبيله سوا داخل او خارج الدوله .....

كما اود شكر خاص للاستاذ نادر بن فهاد الودعاني على ماقام به من جهوود...
وايضا اشكر الاستاذ الغالي عبيد بن محمد بن شماء على اعداد اللقاء وتقديم وما قام به من مجهود..

واشكر الشاعر لبنان الرجباني على هذيه الضيافه العطره لمنتدانا الغالي ..

وبيض الله وجيهكم جميعا على مابذلتووو من مجهود جبار وتغطيات دوليه وهذا ان دل يدل على السعي والرقي والتقدم للامام لنا كمنتدى وللقبيله خاصه واتمنى لكم دوام التوفيق والنجاح وسدد اللهه خطاكم ودمتم.....

[عاشق السفر]

شكراً لاخواني على المجهود الطيب الذي قاموا به ونشكر شاعرنا على اجابة الدعوه

[براك المخاريم]

الله الله الله ويش اقول ويش اخلى والله امتعتونا فى هاللقاء الاكثر من رائع والله انكم ارضيتم ذائقتى فى القصائد الجميله قصيده فى التعبير عن محبه الحكام والولاء لهم، وقصيده فى الوصف وهذا مما اعجبنى وفى الغزل وفى المدح فى قبيله يام العريقه وهم كفو ويستاهلون وفى حقوق الخوه قصائد فى مجملها رااااااااااااااااااااائعه وراقت لى،،،
وصح الله لسان ابن عمنا الشاعر/ لبنان الرجبانى واشكره من هذا الموقع على اتاحته لاداره المنتدى لمقابلته ولقاء ترقبناه ويسعدنى ان اكون ممن يشاهد ويتعرف اكثر على الشاعر / لبنان بن منيع الرجبانى وبيض الله وجهه اللى أرضى ذائقتنا بهاللقاء الجميل،،،
واما الاخوان/نادر بن فهاد الودعانى و عبيد بن شماء الودعانى فأقول شاكرين لكم على حسن اختياركم لشاعر طالما تابعت لقصائد الرائعه واشكركم ايضا على السعى الدؤؤب على الرقى فى هذا المنتدى الراقى بأدارته وأعضائه وأشكركم ايضا على السعى لدعم لشعراء قبيله الدواسر بهذه اللقائات الطيبه،،،
تقبلوا وافر امتنانى وأعجابى،،،